शुक्रवार, २५ मार्च, २०१६

सुन्या सुन्या

सुन्या सुन्या मैफिलीत तिच्या
रिकामे ग्लास रित्या बाटल्या
कोमेजली फुले गजरा उशाला
मैथुनाच्या राती ओशाळल्या

तीन्ही सांजच्या झगमगीत वस्त्या
निर्मनुष्यपणे सकाळी विखुरल्या
तुटपंजी कमाई भेसूर रात्रीला
दळभद्री भुकेल्या पोटाला

संसाराची क्षणिक स्वप्ने धुळीला
सुखद आठवणी काळवंडलेल्या
शल्य मनाचे भोगलेल्या शरीराला
तनाचे धन पुन्हा शृंगाराला

वेदना जगण्याच्या एकांतातल्या
दुर्लक्षित लिंगपिसाट समाजाला
संभोगाचा क्रुरकर्मा करपलेल्या
सधनतेच्या आर्जवा देव-दैवाला

भूषण वर्धेकर
15-4-2008
पुणे

कोणत्याही टिप्पण्‍या नाहीत:

टिप्पणी पोस्ट करा

पवित्र कुराणातील काही निवडक आयातींची चिकित्सा

कुराण हा इस्लाम धर्माचा पवित्र ग्रंथ आहे. याला "अल्लाहचे शब्द" मानले जाते आणि ते अपरिवर्तनीय आहे अशी मुस्लिमांची श्रद्धा आहे. कुरा...