सत्यासत्य, नैतिक-अनैतिकेच्या जाळ्यात
अडकणारी, कुतरोड झालेली मने
असंतोष,उद्विग्न नैराश्याने ग्रासलेली
उद्रेकाची वाट पाहत
उध्वस्त, निडर मनुष्याचे पुतळे
होरपळली जाणारी पिढी
खंगली जाणारी स्वप्ने
नव्या किरणांची वाट पाहते
तरूणाईचा बळी
बालमने उपेक्षित
भूषण वर्धेकर
29-10-2008
10:40 रात्रौ
आम्ही देशप्रेमी, आधुनिक देशप्रेमी रे
कोणी मेला तर त्याचा धर्म ठरवू रे
संकुचित पद्धतीने निषेधाचे ढोंग करू रे
बजेट सँक्शन झाले की आम्ही सुटलो रे
विरोधाला विरोध हा आमचा बाणा रे
चांगल्या गोष्टीत आम्ही नाक खुपसू रे
जाऊ तिथे जुन्या गोष्टी उकरून काढू रे
खरी गरज जिथे तिथे अमुची पाठ रे
नवीन विकास धोरण जाहीर झाले रे
लगेच एनजीओद्वारे आडकाठी करू रे
नाही झेपले तर शोषणाचा आव आणू रे
काहीही करू बंद पाडू हाच हेका रे
आधुनिक बदलांना बाजूला सारू रे
जेथे फायदा तेथे पुढे पुढे करू रे
अन्याय झालेल्यांची वर्गवारी करू रे
ठरलेल्या पॅकेजनुसार आंदोलने छेडू रे
बुद्धी गहाण टाकून जगाला दाखवू रे
पोकळ जाणीवांची काही कमी नाही रे
असंतुष्ट लोक जमवून ईव्हेंट करू रे
दारिद्र्याचे ग्लॅमर करून पोटे भरू रे
आलेल्या निधीत कमिशन मारू रे
नंतर निवांत उच्चभ्रूंच्या पार्ट्या झोडू रे
ढेकरा देऊन उपोषणाच्या बैठका घेऊ रे
देश-रयत-सभ्यता चूलीत गेली रे
--भूषण वर्धेकर
17-10-2015
रात्रौ 11:55
हडपसर
--------------------
इथे माणूस मरतो
नंतर त्याचा धर्म ठरतो
मग सादर होतो अहवाल
सुस्त शासन अन् माध्यमे मस्तवाल
मग येतात फुत्कार चंगळवादी
प्रखर होतात जाणीवा राष्ट्रवादी
काथ्याकूट होतो बाजारू मानवतेचा
एकच दिवस असतो बौद्धिक निषेधाचा
जोशात भरले जातात वृत्तपत्रीय रकाने
चर्चा झाडल्या जातात तावातावाने
नको त्यांचा वधारला जातो भाव
उगाच उकरून काढतात जुनाट घाव
काही काळ असाच जातो निघून
शांततेचा चित्कार चौफेर घुमून
फुकाचे विचारवंत अन् चौकटीतले जगणे
ज्याचे त्याचे कर्म स्वतःचे तुंबडे भरणे
दुटप्पी माणूसकीचे अवशेष भग्न
सकल प्राणीमात्र रोजच्या दिनचर्येत मग्न
--भूषण वर्धेकर
9-10-2015
8:30 रात्रौ
दौंड-पुणे शटल
------------------------------------------------
वैश्विक गराड्यातला
अढळ ध्रुव
सैन्धातिक ऋषीतुल्य
सूक्ष्म गर्भ
वैधानिक स्वत्व
कामुक मर्त्य
पुर्णत्वाची साक्ष
पौर्वात्य देशी
अडगळीची जगणी
इथल्या देशी
वैचारिकांना दुधखुळी
पाश्चिमात्य भीती
समृद्ध पंथांचा
एकेरी नारा
वैश्विकतेचा गर्भित
ज्ञानप्रसार
व्रतवैकल्यांची संस्कृती
वक्तव्यांची नांदी
धर्माची बांधणी
सकल माथी
दूर्दैवी रूढी
मांगल्याची शक्ती
विचारधारा मात्र
जुनाट अनाकलनीय
स्वाहाकार असे
स्वयंघोषित मान्य
भक्तबुळे मंद
पांडित्य धन्य
नियमित क्रंदन
मागास अनाहत
भपकेबाज बेधडक
ब्राह्मणी पौरोहित्य !
------------------------
भूषण वर्धेकर
3 मे 2012
पुणे
-------------------------
प्राकृतीच्या विकृती
झुराण्याच्या विभूती
जगण्याच्या रंडी
अखंडीत
नैतिकतेच्या सुरनळया
गरिबांच्या गळया
मुजोऱ्यांची छंदी
अंतरंगी
विरुध्यतेच्या छटा
सामाईकतेच्या वाटा
आपलं-तुपलं करीत
मर्जीत
समृद्धीचा लकडा
वाममार्ग वाकडा
माणुसकीचा झरा
भोवरा
कृत्रिम क्रांती
गाडलेली भ्रांती
नामुष्कीच जगणं
भोगणं
चराचर अस्वस्थ
मानद विश्वस्त
पैशाची देव-घेव
सदैव
प्रगतीचा ध्यास
गरिबांचा श्वास
बाजारुची मिजास
भडास
- भूषण वर्धेकर
8 June 2009
3:47 PM
Jalgaon
मृत्युचं लेणं
समष्टीचं जगण
हौतात्म्याचा वारु
जिर्णोधारु
संकटाचं येणं
कसोटीचं पारणं
लढवय्ये निर्धारु
कैवारु
आस्तित्वाचं रुसणं
संदर्भ नसणं
भकास वाटसरु
सावरु
दिशाहिन उडणं
सांप्रत मागणं
मानवांचा उद्धारु
लेकरु
मातीचं नसणं
सचैल हसणं
वास्तवाच्या निखारु
लुटारु
भूषण वर्धेकर
१७/७/२००९
रात्रौ १०.०३
शनिवार पेठ
रित्या झाल्या भावना
रित्या आत्मवंचना
पोरक्या करूणा
रुतलेल्या जीवना
मंद धुंद प्रेमाच्या
सैरभैर मनाच्या
स्तब्ध गतकाळच्या
खिन्न आयुष्याच्या
उद्विग्न मनोकामना
विखूरलेल्या धारणा
धूळीत गेल्या वल्गना
निर्विकार संवेदना
दूधखुळ्या मैत्रीला
प्रीतीचा बोलबाला
कमकुवत सुखाला
सदेह विखूरला
नित्य झपाटलेला
जीव काळवंडला
त्रास संपला
आत्मा निवर्तला
भूषण वर्धेकर
8-3-2007
पुणे
